Êrişa Rûsya ya li dijî Ûkrayna tevî, pêdiviyên jiyanî di warê danûstandinên navbera welatan de jî bandorê dike. Amerîka ragihand ku wan têkildarî hevkariya Rûsyayê ya bi Îranê re, tu garantiyên nivîskî nedane Moskowê.
Cîgira wezîrê karên derve yê DYA Victoria Nuland, doh anî ziman ku wan li ser hevkariya Rûsyayê ya bi Îranê re, tu garantiyên nivîskî nedane Rûsyayê.
Danûstandinên li Viyanayê yên ji bo peymana nukleerî ya bi Îranê re dewam dikin.
Li aliyekî din jî bi zêdebûna daxuyaniyên erênî re, Rûsyayê ji DYA’yê xwest ku ev tedbîr bandorê li hevkariya wê ya bi Îranê re neke.
Rûsyayê 6’ê Adarê ragihandibû ku ger hevpeymana nukleerî bi awayekî fermî di bin navê “plansaziya hevpar” de were zindîkirin, divê mafên hêzên cîhanê wekî hev bin.
Di civîna Kongreyê ya roja sêşemê de Victoria Nuland têkildarî mijarê got: “Me tu dan û standin bi Rûsyayê re têkildarî Îranê çênekirine. Moskov dixwaze asta daxwazên xwe bilind bike.”
