Karsazên Kurd bi boneya Cejna Newrozê cara yekem li yek ji salonên Parlamentoya Fransayê, forûmek li dar xistin.
Di forumê de Berdevkên Yekîneyên Parastina Jin û Yekîneyên parastina gel YPG’ê Nesrîn Ebdullah, Nûrî Mehmûd, hejmarek karsazên kurd, nûnerên rêxistinên civaka sivîl û hejmarek parlamenterên Fransî amade bûn.
Di forumê de, Newroz hat pîrozkirin û qala rola YPG’ê û YPJ’ê di şerê li dijî DAIŞ’ê de û rakirina xeteriya wê li ser cihanê hat kirin…
Her wiha rola Rêveberiya Xweser di pêşengtiya pêkhateyên herêmê Kurd, Ereb û Suryan, û xurtkirina têgeha jiyana hevbeş li herêmê jî hat ziman..
Di dawiyê de, Berdevka YPJ’ê Nesrîn Ebdulah ji aliyê parlamenter François Bobonî û Jean-Christophe Lagarde ve bi Sembola Jinê ya Fransa hate xelatkirin.