Li bajaroka Daqûq a Kerkûkê leşkerê Iraqê kete kemîna çeteyên DAIŞ’ê û di encamê de 2 leşker hatin kuştin û 2 jî birîndar bûn.
Li bajaroka Daqûq a ser bi Kerkûkê de artêşa Iraqê di operasyona Çemê Roxanê de kete kemîna çeteyên DAIŞ’ê.
Nîv saetê şer di navbera çeteyên DAIŞ’ê û artêşa Iraqê de berdewam kir.
Li gorî agahiyan di kemînê de 2 leşkerên Iraqê hatin kuştin û 2 jî birîndar bûne.
Li Mûsilê çeteyên DAIŞ’ê 4 şivan kuştin
Her wiha çeteyên DAIŞ’ê 2 şivanên ji eşîra Şemmer û 2 şivanên ji Cexayfen revandîbûn, li navçeya Durge Xizirê ya Mûsilê qetilkirin.
Duh êvarî cenazeyên şivanan hatin dîtin.
Her çar cenaze rakirin morga Nexweşxaneya Dewletê ya Mûsilê.