Nakokiyên Îran û Amerîka her diçe zêdetir û kûrtir dibin, nemaze piştî xistina droneke Amerîkî, vê jî hişt ku zimanê gefan tûjtir bibe. Weke gefeke nû jî, Waşinton dibêje em ê Tehranê tune bikin.
Duh, Îran der barê cezayên dawî yên Amerîkayê de axivîbû û gotibû ev ceza wê rêya diplomasiyê qut bikin û Koşka Spî bi Koşka bêaqil bi nav kiribû.
Serokê Amerîkayê Donald Trump weke bersiv gef li Îranê xwar û bi tiwîttekê ev tişt got:
Daxuyaniya Îranê ji me re piçûk-xistin e… çi êrîş li dijî çi tiştekî Amerîkî pêk were, em ê bersiveke xurt û kujer bidin Îranê, ango em ê wê tune bikin.
Li aliyekî din, serokê Îranê Hesen Rûhanî û hevkarê wî yê Fransî Emmanuel Macron bi rêya telefonê bi hev re axivîn.
Rûhanî ji hevkarê xwe re teqez kir ku “Îran şer naxwaze, lê ji bersiva çi êrîşa Amerîkî re hazir e û got:
Amerîka hêmanê bigehîn ê ne-aramiya herêmê ye, lê eger Ewropî lihevkirina nukerlî pêk anî, wê rewşa herêmê bi temamî were guhertin.”
Macron jî ji aliyê xwe ve got divê her kes alîkar be da ku şerê li herêmê vemirînin.
