Yekîneyên Parastina Gel (YPG) eşkere kir ku şervanê wan Cûdî Amanos şehîd bûye û nasnameya wî eşkere kir.
Navenda Ragihandin û Çapemeniyê ya YPG`ê derbarê mijarê de daxuyaniyek da.
Di daxuyaniyê de hat diyar kirin d 12’ê Tîrmehê 2022’an de, şervanê wan Cûdî Amanos li herêma Helebê di encama qezayê de şehîd buye û wiha hat gotin;
“Hevrêyê me Cûdî ji bajarê Efrînê di nava malbateke welatparêz de mezin bû.
Hevrêyê me bi coşeke mezin tev li kar bû û di kar û xebatê de fedekar bû. Dagirkirina bajarê wî Efrînê bandoreke mezin lê kiribû û hêrsa wî ya li dijî dijmin zêdetir kiribû. Buyereke bi vî rengî em êşandin.”
YPG’ê di dawiyê de sersaxî ji malbata şehîd û gel re xwestin û soza bilindkirina têkoşînê û pêkanîna armancên şehîdan da.
Li gorî daxuyaniyê nasnameya şehîd wiha ye:
- Nasnav: Cûdî Amanos
- Nav û Paşnav: Can Osman
- Navê Dayikê: Elmas
- Navê Bav: Neşat
- Cihê Jidayikbûnê: Efrîn
- Cih û Dîroka Şehadetê: Heleb, 12 Tîrmeh 2022”