Li gorî medyaya Îranê ji ber barîna barana zêde li bakurê rojavayê paytexta Îranê Tehranê lehî çêbû. Di encamê de 6 kes jiyana xwe ji dest dan û 9 kes jî birîndar bûn. Her wiha hejmarek welatî jî heta niha windane.
Li Îranê barana zêde, beşek ji welat xist nava alarmê.
Serokê Heyva Sor a Îranê Pîr Huseyîn Kolîwend di daxuyaniya xwe ya ji bo televîzyona dewletê de diyar kir ku li gundê Îmamzade Davûd a li rojavayê Tehranê heta niha 5 kes mirine û diyar kir ku kesên winda jî hene.
Kolivand diyar kir ku ji ber barana zêde li gund ax şimitî û hin wesayît di nava heriyê de asê man.
Wezîrê Karên Hundir Ehmed Vahîdî ragihand ku ji bo dîtina windayan li herêma Tehranê lêgerîn dewam dikin.
Li gorî rapora ajansa nûçan a Irna`yê, di karesata lehiyê de li Demavend a rojhilatê paytextê termê kesekî hat dîtin.
Di 23’yê Tîrmehê de ji ber lêhiya li nêzîkî robarê Rûdbal yê li bajarê Estebehana Îranê 15 kesî jiyana xwe ji dest da bûn û 13 kes jî winda bibûn.
Îran, welatekî bi giranî zuha ye, ji ber zuhabûnên dubare di deh salên borî de û her weha ji ber baranên baranê lehîyên birêkûpêk zerar dîtine.
Hat ragihandin ku li eyaleta Fars a li başûrê welêt di lehiyê de dawiya hefteyê 22 kes mirin.
Di meha Çile de li heman herêmê 8 kes ji ber lehiyê mexdûr bûn.
Di sala 2019an de li başûrê Îranê ji ber baranên dijwar herî kêm 76 kes mirin û zêdetirî 2 milyar dolar zirar dît.