GUNDEWARÊ LAZQIYÊ ŞER NAVBERA REJÎM Û ÇETEYAN DE DIJWAR E, 19 LEŞKERÊN REJÎMÊ Û 15 ÇETE HATIN KUŞTIN

by feAdVw8fgi
211 views

Li gundewarê Lazqiyê piştî êrîşên çeteyên dewleta Tirk bi ser hêzên rejîmê ve, şerekî dijwar Rû da.

Di encam de herî kêm 19 leşkerên rejîmê û 15 çete hatin kuştin.

Piştî Moskovê jî nûnerê taybet yê NY li Sûriyê gihaşte Şamê.

Li gorî Çavdêriya Sûrî ya Mafên Mirov diyar kir ku li bejahiya çiyayê Turkmen a gundewarê Lazqiyê şerekî dijwar navbera çeteyên dewleta Tirk û rejîma Sûrî rû da.

Çavdêriyê destnîşan kir ku ev şer piştî êrîşên çeteyên dewlta Tirkên li dijî hêzên rejîmê pêk hat.

REJÎMÊ KAMPEKE KOÇBERAN BOMBEBARAN KIR. 3 SIVÎLAN JIYANA XWE JI DEST DA

Di encamê vê şerî de bêhtirî 19 leşkerên rejîmê û 15 çeteyên dewleta Tirk hatin kuştin.

Li aliyekî din Çavdêriya Sûrî ragihand ku li gundewarê Idlibê rejîmê kampeke koçberan bombebaran kir.

Di encamê de 3 sivîlan jiyana xwe ji dest da.

NÛNERÊ TAYBET YÊ ‘NY’ LI SÛRIYÊ GEER PEDERSON LI ŞAMÊ YE

Bi dewam şer û bombebaranê re, ji bo guftûgokirina mijara komîteya Destûrî jî nûnerê taybet yê NY li Sûriyê Geer Pederson gihaşt Şamê.

Tê payîn wê Pederson sibe li gel raydar û berpirsên wezareta Derve ya rejîmê bicive.