Çalakî û berxwedana gelê herêmê li dijî êrişên dewleta Tirk dewam dike. Li Hesekê îro gel berê xwe dan navenda Koalîsyona Navnetewî û çalakî li darxistin. Gel ji koalîsyonê xwest li dijî êrişên dewleta Tirk bêdengiya xwe bi dawî bikin û qada ezmanî li ber êrişan bê girtin.
Berxwedana gelên Bakur û Rojhilatê Sûriyê ya li dijî gef û êrişên dewleta Tirk a dagirker dewam dike.
Îro li bajarê Hesekê bi armanca şermezarkirina êrişên dewleta Tirk û girtina qada ezmanî ya herêmê meşek hate lidarxistin.
Bi sedan welatiyên Hesekê beşdarî meşê bûn.
Meş li ber navenda Koolîsyona Navnetewî rawestiya û li wir daxuyaniyek hate dayîn.
Di daxuyaniyê de êrişên dewleta Tirk a dagirker hatin şermezarkirin û wiha hate gotin:
“Bêdengiya hêzên navnetewî û qaşo yên garantor yên li herêmê nîşan dide ku êrişan erê dikin.
Divê hêzên navnetewî helwesta xwe li hember van êrişan zelal bikin û bêdengiya xwe jî bi dawî bikin.
Dewleta Tirk li herêmê komkujiyan pêk tîne û dixwaze bi van êrişan herêmê vala bike û dagirkeriya xwe berfireh bike.”
Piştî daxuyaniyê şandeyek derbasî avahiya koalîsyonê bû û nameyek derbarê êrişan de radestî wan kir.