Li Rojavayê Kurdistanê pîrozbahiyên ji bo salvegera 15’ê Tebaxê destpêkirine.
Yekitiya Jinên Ciwan a Kobanê bi şahiyek cejna vejînê pîroz kir.
Bi boneya nêzîkbûna salvegera Pêngava 15’ê Tebaxê, Yekitiya Jinên Ciwan a Kantona Kobanê şahiyek li ber navenda xwe li dar xist. Bi dehan şênî beşdarî şahiyê bûn.
Di şahiyê de berdevka Yekitiya Jinên Ciwan a Herêma Firatê Rûheyv Firat axivî.
Rûheyv Firat got:
“Bi saya Pêngava 15’ê Tebaxê û têkoşîna şehîd Egîd gelê Kurd gelek serkeftin bi dest xistin e.
Ev gel xwedî vîneke xurt a têkoşînê ye, emê bi rihê 15’ê Tebaxê, li dijî êriş û faşîzma dewleta Tirk têbikoşin û axa xwe biparêzin.”
Şahî bi gerandina xelekên govendê bi dawî bû.