Tevî hişyarî û nerazîbûnan jî dewleta Tirk di mijara kuştina sivîlan de bi israr e.
Beriya çend saetan balafireke êrişê ya bê mirov navenda bajarê Til Rifatê bombardiman kir.
Di encamê de 3 sivîl şehîd û 5 jî birîndar bûn.
Piştî hevdîtinên li Tehran û Soçî, êrişên dewleta Tirk li dijî herêmên Bakur û Rojhilatê Sûrî zêde bûn.
Bi taybetî jî êrişa li dijî xelkê sivîl.
Ji pêvajoya piştî 19’ê Tîrmehê ve heta niha bêtirî 20 sivîl ji ber êrişên dewleta Tirk şehîd bûne.
Di nava wan de gelek zarok jî hene.
Tevî van sûcên şer jî artêşa Tirk êrişên xwe li dijî sivîlan dewam dike.
Îro li herêma Şehbayê balafirek bê mirov navenda Til Rifatê bombebaran kir.
Di encamê de li cihê bûyerê welatiyê binavê Reşîd Elîko û Hemze Îbo Bêrem, şehîd bûn.
Her wiha 6 mirov jî birîndar bûn.
Ji birîndaran, jina 21 salî a binavê Fatma Osman Mamo li Nexweşxaneya Avrîn tevî hemû hewldanan jî nehat rizgarkirin û şehîd bû.
Navê birîndarên ku niha li nexweşxanê têne dermankirin jî ev in:
- Hisên Murad Qerokî ê 13 salî
- Menan Reşîd Hisên ê 57 salî
- Egîd Fexrî Şêxo ê 32 salî
- Semîr Abdulqadir Reşo ê 31 salî
- Û Zuhêr Abdurrehman Mihemed ê 36 salî.
