Çalakiya konvedanê ya li pêşiya avahiya NY li Qamişlo ku li dijî êrişên dagirkeriya Tirk hatiye destpêkirin di roja 21 ‘an de dewam dike.
Îro bi dehan welatî û endamên Hêzên Parastina Civakê -Jin yên Hesekê serdana konê çalakiyê kirin.
Çalakiya konvedanê ku bi pêşengtiya HPC-Jin û Kongra Star li pêşiya avahiya NY tê lidarxistin kete roja 21’an de.
Di bin konê çalakiyê endama HPC-Jin a kantona Hesekê Necla Qemer û Endama HPC- Jin a Kampa Serê Kaniyê Xezal Dawûd axivîn.
Di axaftinan de bang li sazî û hêzên navnetewî hate kirin ku li dijî êrişên dagirkeriya Tirk li kêleka gelê Bakur û Rojhilatê Sûriyê bisekinin.
Her wiha li dijî êrişan peyama bilindkirina asta têkoşînê hate dayîn û hate gotin:
Heta daxwzên me pêk neyên, em ê çalakiya xwe dewam bikin.