Bi armanca nîqaşkirina rewşa herêmê û êrişan nûnerên partiyên siyasî yên Bakur û Rojhilatê Sûrî bi nûnerên DYA’yê re civiyan.
Şandeya Partiyên siyasî yên herêmê bi serokatiya Emced Osman bi nûnerê bilind ê Dewletên Yekbûyî yên Amerîkayê DYA Nicholas Granger re civiya.
Nûnerên partiyên siyasî di civînê de diyar kirin ku di êrişên dewleta Tirk de fermandar, şervanên QSD’ê, kesayetên siyasî û sivîl dibin armanc.
Nûnerên partiyan destnîşan kir ku divê nûnerên herêmê di civînên navneteweyî yên têkildarî Sûriyê de cih bigirin.
Partiyan behsa kampa Holê û rola hêzên navneteweyî di çareserkirina pirsgirêkê de kirin û diyar kirin ku tenê barên wê Rêveberiya Xweser hildigire ser xwe.
Nûnerê DYA’yê Nicholas Granger jî diyar kir hebûna nûnertiyeke mezin a DYA´yê li herêmê cidiyeta DYA’yê a piştgiriya herêmê û hewlên mayîndekirina aramî û ewlehiyê nîşan dide.
Nicholas Granger diyarkir ku bi civata navneteweyî re dixebitin ku pirsgirêka kampa Holê çareser bikin û bang li dewletan kir ku welatiyên xwe vegerînin.