Hêzên hikûmeta Şamê û çeteyên dewleta Tirk bi çekên giran li hev xistin. Di 48 seatên dawî de 2 balafirên Hikûmeta Şamê ketin xwarê.
Navenda Çavdêriya Mafê Mirovan a Sûriyê ragihand ku, hêzên hikûmeta Şamê îro bi top û hawnan êrişî gundê bajarokên li Çiyayê Zawiyê yê li Idlibê kir.
Her wiha hêzên hikûmetê gundên El-Enkawî û Qalidîn yên li Sehil El-Xab topbaran kir.
Vê sibê jî, çeteyên dewleta Tirk navendên hêzên hikûmeta Şamê yên li rojavayî Helebê kirin hedefa êrişên xwe.
Di 48’ê seatên dawî 2 balafirên hikûmetê ketin xwarê
Her wiha çavdêriyê da zanîn ku, di seatên sibê de li nêzîkî çerxerêya El-Erbeîn ya li Hemayê Helîkoptereke hêzên hikûmeta Şamê ket xwarê.
Di encamê de 3 efserên hikûmeta Şamê hatin kuştin.
Hate diyarkirin ku balafir di encama pirsgirêkeke tenîkî de ket xwarê
Ev balafira duyemîn e ku di 48 saetan de dikeve.
2’ê vê mehê jî balafireke şer a MiG-21 li herêmên El-Suweyda ket xwarê.
