Ciwanên Kurd û dostên wan ên li Ewropayê, ji bo azadiya Rêber Abdullah Ocalan li bajarê Essenê yê Elmanyayê dest bi Meşa Dirêj kir.
Meşa Dirêj ku wê 6 rojan dewam bike bi dirûşma “Ji bo azadiya Rêber Apo werin cenga azadiyê” tê lidarxistin.
Ciwanên Kurd û dostên wan ji gelek wealtên Ewropa li pêşiya Navenda Civaka Demokratîk a Kurd kom bûn û li wir bi navê komîteya amadekar a çalakiyê daxuyanî hatin dayîn.
Di daxuyaniyan de wiha hate gotin: Zêdeyî 18 meh in ti agahî ji Rêber Apo nayê girtin.
Lewma bi navê ciwanên Kurd û entenrasyonalîst ji bo azadiya fîzîkî ya Rêber Apo em ê her tim çalakiyan li dar bixin.
Meşa me ya dirêj a destpêkê 1983’an ji Hanûa heta Hannoverê 17 rojan dewam kir.
Ew meş dijî zexta li zindanan û agahiya li ser şehadeta Mazlûm Dogan hatibû lidarxisitn.
Di nava kesên ku ew meş pêk anîn de Şehîd Hozan Sefkan, Kasim Engîn û Hozan Mizgîn hebûn.
Meşa Dirêj a ku wê rojê destpê kir, îro bi ciwanên enternasyonalîst dewam dike.”
Ciwanan piştî daxuyaniyê dest bi meşê kirin.