ORTAGUS: WÊ WEZÎRÊ DERVE Û TRUMP MIJARA CEZAKIRINA TIRKIYÊ LÊKOLÎN BIKIN

Qeflên S-400 ên 13 û 14’an digihêjin erda Tirkiyê.
Birêveberiya Waşintonê jî wê mijara cezakirina Enqereyê lêkolîn bike.

Wezareta Parastinê ya Tirkiyê ragihand ku îro 2 balafirên din ên alavên S-400 derbasî Tirkiyê bûn.

Ango ev balafirên 13 û 14 ne heta niha li baregeha Akincî ya asmanî barê xwe danîne.

Berdevka wezareta derve ya Amerîkayê Morgan Ortagus jî teqez kir ku wê wezîrê derve û serok Trump hemû bijarteyên pêkan ji bo cezakirina Tirkiyê lêkolîn bikin.

Ew jî li gorî qanûna CAATSA.

Ortagus got:

Me berî niha bi awayekî pir zelal cezayên wê li Tirkiyê werin birîn, ragihandine.

Serokê Emerîka Trump duh encamên vê wergirtinê anî ziman û diyar kir ku wê Tirkiyê balafirên F-35 nebîne.

Ortagus diyar kir ku em gavan hema wisa navêjin, çimkî wê serok û wezîrê derve biryarên pêwîst li gorî qanûnên Ameîrkayê bistînin.

Duh serokê Amerîkayê Donald Trump gotibû:

Ji ber ku Tirkiye pergala S-400 bi dest xist, em ê nikaribin balafirên F-35 bifiroşinê, nemaze ku dewleta Tirk endama NATOyê ye.

Leave a Reply

Back to top button