Serokatiya Başûrê Kurdistanê û Tevgera Azadî der barê êrişên rejîma Îranê yên li ser partiyên Rojhilatê Kurdistanê de daxuyaniyek da.
Di daxuyaniyan de daxwaz ji hikumeta Iraqê kir ku xak û serweriya welat biparêze.
Serokatiya Başûrê Kurdistanê der barê êrişan de daxuyaniyek nivîskî weşand û got:
“Başûrê Kurdistan rê nade ti gefek ewlehiyê ji nava sinorên wê li ser welatên cîran çêbe.
Daxwaz ji hikûmeta federal a Iraqê dikin erkê xwe bicih bîne, xak û serweriya welat biparêze.”
Tevgera Azadî: Tenê yekîtî serkeftinê misoger dike
Tevgera Azadî jî êrîşên rejîma Îranê şermezar kir û got:
“Tenê yekitî û yekgirtin serkeftinê mîsoger dike.
Divê her hêz û aliyek siyasî û her Kurdek bi erkê xwe yê welatparêzî û exlaqî, li dijî êrîşan rabe.
Divê hikûmetên Iraqê ji bo rawestandina van êrîşên dijminkarane yên Îran û Tirkiyeyê xwedî helwestek cidî bin.”
Tevgera Azadî: Divê hemû hêzên Kurdî li dijî êrişan yekgirtina xwe çêkin