Dewleta Tirk a dagirker ji vê êvarê ve seranserî gundên sînor ên Kobanê, gundên navçeya Til Temir, Girê Spî, navçeya Eyn Îsa û Zirganê topbaran kirin.
Dewleta Tirk a dagirker gundên Sêlim, Qeremox, Koran, Til Şiêr, Mezra Ebrûşan û Ziyaret ên rojava û rojhilatê Kobanê topbaran kirin.
Dewleta Tirk a dagirker di saetên ber êvarê de jî bi çekên doçka û BKC gundê qeremox yê li rojhilatê bajarê kobanê dan ber guleyan.
Hat ragihandin dema ku şêniyên gund diçûn nava zeviyên xwe gule li wan hatin barandin.
Dewleta Tirk gundê Qibûr Qeracne û Til Leben ên Til Temirê topbaran kir
Her wiha dagirkeriya Tirk û çeteyên wê gundê Qibûr Qeracne û Til Leben yê bakur û rojavayê navçeya Til Temirê bi çekên giran topbaran kirin.
Di encama topbarana li ser gundê Til Leben de 4 welatî birîndar bûn
Birîndar li nexweşxaneya navçeya Til Temirê tên dermankirin.
Dagirkeriya Tirk gundê Girê Spî, navçeya Eyn Îsa û Zirgan topbaran kir
Artêşa Tirk a dagirker, rojhilatê navçeya Eyn Îsa, rêya M4, gundê Xane Qezelî yê Girê Spî bi dijwarî topbaran kirin.
Dagirkeriya Tirk gundê El Bobî, taxa xerbî yê navçeya Zirgan jî bi çekên giran û hawinan topbaran kirin.