Gerîlayên YJA-Starê li Colemêrgê derbek giran li leşkerên dewleta Tirk ên dagirker dan. Li gorî navenda Ragihandin û Çapemenî ya HPG’ê di encama çalakiyê de 13 leşkerên Tirk hatine kuştin.
Navenda Ragihandin û Çapemeniyê ya HPG têkildarî çalakiyên gerîla yên li dijî dagirkeriyê daxuyaniyek weşand.
Di daxuyaniyê de ev agahî hatin parvekirin:
“21 Tîrmehê di çarçoveya pêngava Şoreşgerî ya Şehîd Bager û Şehîd Ronya de çalakiyek pêk hat.
Gerîlayên YJA Starê konvoya wesayîtên zirxî ya artêşa dagirker ku ji navçeya Çelê bi navenda Colemêrgê ve diçû li herêma Şîva Stêrk û Kanî Orê kir hedef.
Di encamê de wesayîteke tîpa kîrpî bi temamî hate rûxandin û 13 leşkerên artêşa Tirk a dagirker hatin kuştin.
