Kongra Star a Qamişlo, şehîd Bêrîtan bi bîr anî û têkildarî têkoşîna wê, sînevizyonek pêşanda.
Ji bo bîranîna şehîd Bêrîtan (Gulnaz Karataş) gelek çalakî li herêmê hatin lidarxistin.
Ji nava wan çalakiyan Kongra Star a Qamişlo li navenda Çand û Hunerê ya Mihemed Şêxo ew bîr anî.
Endamên Kongra Star, rêxistina Sara ya têkoşîna li dijî tundiya li ser jinan, Meclisa Jinan a Olî, PYD’ê û bi dehan şênî, tevli çalakiyê bûn.
Di çalakiyê de sînevizyonek têkildarî jiyana şehîd Bêrîtan û têkoşîna wê ya di nav tevgera rizgariya Kurdistanê de hat pêşandan.