Artêşa Îranê îro careke din navendên hêzên Kurdî yên Rojhilat ku li Başûrê Kurdistanê ne bombebarankir.
Di êrişî de 2 pêşmergeyê şehîd û 8 jî birîndar bûn NY û Emerîkayê têkîldarî êrişê daxuyaniyek dan û şermezar kirin.
Vê sibê saet di 8 û nîvan, navendên Hizbî Demokratî Kurdistan-Îran û Komele bûn armanca êrişên artêşa Îranê.
Êrişa bi moşekan li dijî baregehên herdû partiyan ên li navçeya Koyê pêk hat.
Di êrişa Îranê de 2 pêşmerge şehîd û 8 birîndar bûn
Têkîldarî êrişan Hizba Demokrat ya Kurdistana Îranê diyar kir ku di êrişê de du pêşmerge şehîd, 8 jî birîndar bûn.
Li aliyê din li gundê Zirguwêz yê girêdayî Silêmaniyê jî navenda Komele bû armanca êrişa artêşa Îranê.
Hemwextê van êrişan, li herêma Bradost jî Zozanên Seqer û Ber-bizinan bûn armanca topbaran artêşa Îranê.
Têkîldarî êrişên Îranê yên ser hizbên Rojhilat, NY û Amerîkayê daxuyanî dan.
NY û Amerîkayê êrişên îranê li ser axa başûrê Kurdistanê şermezar kirin
Nunertiya Neteweyên Yekbûyî ya li Iraqê êrişên Îranê yên li ser Başûrê Kurdistanê şermezar kir û destnîşan kir ku divê rêz ji yekparçebûna xaka Iraqê re bê girtin.
Heman demê de Berdevkê Herêmî yê Wezareta Karên Derve yê Amerîkayê Samuel Werberg sêmyol wêrbêrg jî ragihand ku Emerîka bi tundî êrişên Îranê yên li ser Herêma Kurdistanê şermezar dike.
