Piştî 7 salan şêniyên herêmên Bakur û Rojhilatê Sûrî berê xwe didin hecê.
Ev 7 salin ji ber rewşa ku herêm tê re derbas dibe şênî nedkarîn biçin hecê.
Îro sibehê 45 mêr û jinên Bakur û Rojhilat Sûrî bi rêya deriyê Sêmalka derbasî Başûrê Kurdistanê.
Ji wir jî wê şênî berê xwe bidin Erebistana Siûdî û biçin hecê.
Tê payîn ku 65 kesên ji herêmê ne û li kampên Başûrê Kurdistanê dimînin, tevlî wan bibin.
Kongreya Civaka Demokratîk a Îslamî bi koordîneya bi aliyên peywendîdar di Ewqafa Hikumeta Başûrê Kurdistanê re , serpereştiya çûyîna şêniyan a hecê dike.
Hevserokê Kongreya Civaka Demokratîk a Îslamî û endamên kongreyê heta deriyê Sêmalka bi şandeyê re çûn.
Berpirsên Kongreya Civaka Demokratîk a Îslamî dan zanîn ku ji bo rêya çûn û hatina hecê hêsan bikin ew bi aliyên peywendîdar re di nava dan û standina de ne.
