Xelkê herêmê li dijî êrişên dagirkeriya Tirk bertek nîşan dan û piştrast kirin ku ew ê li hember her cure êriş parastina xaka xwe bikin û li ber xwe bidin.
Dewleta Tirk a dagirker ji şeva 19 Mijdarê ve bi dijwarî êrişî Rojava dike.
Ji wê rojê ve gel li qada ye û nerazîbûnên xwe ji êrişan tînin ziman.
Xelkê Qamişlo dibêjin êrişên dewleta Tirk bi armanca qirkirina gelê herêmê ye.
Her wiha piştrast kirin ku ew ê li hember her cure êriş li ber xwe bidin.
Xelkê Reqa: Em bi QSD’ê re ne
Xelkê Reqayê jî êrişên dewleta Tirk ên li ser Bakur û Rojhilatê Sûrî şermezar kirin û gotin:
”Bi hevgirtina gelê me û bi hevgirtina me ya bi QSD’ê re, em ê bi ser bikevin.”
Xelkê bang li welatên Ereban kirin ku ji bi rawestandina êrişan destwerdanê bikin.
Xelkê Hesekê: Tirkiyê sivîlan dike armanc
Her wiha xelkê Hesekê anîn ziman ku dewleta Tirk sivîl û çavkaniyên jiyanî dike armanc.
Û teqez kirin ku berdêl çi be bila bibe ew amade ne herêmên xwe ji dagirkeriya Tirk biparêz in.