Navenda Ragihandinê ya QSD bi daxuyaniyekê ragihand ku li gundekî navçeya Til Hemîsê depoyekî din a çek û çebilxanê ya çeteyên DAIŞ’ê hat dîtin.
Di daxuyaniya QSD’ê de hat gotin:
Di çarçoveya operasyonên ewlehiyê yên dewamkirina Operasyona “Birûska Cizîrê” de, hêzên me îro li gundê Qîrewan ê girêdayê bajarokê Til Hemîsê depoyeke çekan dît.
Di vê depoyê de miqdareke mezin a madeyên teqemeniyê û cebilxane û hejmarek çek hebû.
Ev depo ji bo amadekarina erebeyên bombebarkirî jî dihat bikaranîn.
Ev cara 2’emîn e ku hêzên me li gundê Qîrewan depoyên çek, cebilxane û alavên leşkerî dibînin.
Hêzên me di dema Operasyona Birûska Cizîrê de li vî gundî 3 jî çete girtin.
#QSD’ê depoyeke çekan a #DAIŞ’ê li gundê #Qêrewan ê #Til_Hemîsê, desteser kir..@tvronahi pic.twitter.com/2wB0tx3msA
— Ronahi tv (@tvronahi) January 9, 2023