Bi sedan şêniyên bajarê Casim ê Derayê li dijî hikumeta Şamê daketin qadan û banga hilweşandina rejîmê û berdana girtiyan kirin.
Li gelek bajarên Casim, Mizêrîb, Xebaxib, Senemên, Dadil û Til Şihab ên parêzgeha Derayê bi sedan kes li dijî hikûmeta Şamê daketin qadan.
Xwepêşanderan banga hilweşandina rejîmê û serbestberdana girtiyên di zîndanên hikûmeta Şamê de kirin.
Li hember van daxwazan jî hikumeta Şamê bêdeng e.
Çavdêr hişyarî didin ku eger hikûmeta Şamê di vê bêdengiya xwe de bimîne û çareseriyekê nebîne wê rewş hîn xerabtir bibe.
Serokê opozisiyona Sûriyê li Ezazê lêdan xwar û hat qewitandin
Bertekên li dijî nêzîkatiyên di navbera Enqera û Şamê de jî dewam dikin.
Li gorî Navenda Çavdêriya Mafên Mirovan a Sûriyeyê bi sedan şêniyên bajarê Ezazê li dijî van nêzîkatiyan xwepêşandan li darxistin.
Şêniyan li serokê opezesiyona SûriyêʹʹÎtîlaf El-Watanîʹʹ Salim El-Mislet dan û ew ji bajar qewitand.
