Ukrayna bi zext û israra zêde karî daxwazên xwe yên ji welatên Rojavayî bicih bîne. Tankên Leopard yên Almanya û Abrams yên Amerîka wê li ser xaka Ukrayna êdî werin bikaranîn. Almanya wê destûrê bide tankên Leopard bişîne Ukraynayê û welatên wek Polonya jî wê destûrê bidin sewqiyata tankan. Hat îdiakirin ku rêveberiya Amerîkayê dikare tankên Abrams bide Ukraynayê.
Êdî tankên Leopard yên Almanya wê li ser xaka Ukrayna di şerê li welat de bên bikaranîn.
Hat îdiakirin ku Almanyaya ev demeke dirêje di bin zextê de ye, wê tankên Leopard bişîne Ukraynayê.
Hikumeta Berlînê li ser şandina tankan biryara dawî daye.
Li gor nûçeya ku kovara Spîegel a Almanî û ajansa nûçeyan a Reutersê parvekirî;
Almanya li ser mijarê biryara xwe ya dawî daye.
Di nûçeyê de hat îdîakirin ku piştî nîqaşên bi mehan, Serokwezîr Olaf Scholz biryar da ku tankên şer bişîne Ukraynayê.
Her wiha hevalbend jî wê bi heman awayî tevbigerin.
Di nûçeya ajansa Reutersê de hat gotin, wê herî kêm 14 Leopard 2A6 wêbe şandin.
Li aliyekî din hate gotin, wê Almanya ji bo Polonya û welatên Skandinavyayê jî tankan bişînin Ukrayna erêkirinê bide.
Polonya yek ji wan welata ye ku bê destûra Almanya nikare tankan bişîne Ukrayna.
Ji bo wê yekê jî hikumeta Warsow îro bi awayekî fermî serî li rêveberiya Berlînê daye.
Amerîka di helwesta şandina tanka Abrams de nezelal e
Li aliyekî din jî tê xwestin ku rêveberiya Washington di demek nêzîk de astengiya li hember şandina tankên Abrams bo Ukraynayê rake.
Lê Wezareta Parastinê li ser vê yekê ti daxuyanî neda.
Berdevka Qesra Spî Karine Jean-Pierre jî di daxuyaniya çapemeniya rojane de axivî û got:
Em bi Ukrayna û hevalbendên din re her tim di nava têkiliyan de ne.
Heta dawiyê dê piştgiriya pêwîst ji Ukraynayê re bê dayîn.
Ukraynayê jî ji Tirkiyê tankeke Leopard xwest.
Ukrayna banga şandina tankên Leopard kir
Rêveberiya Kîevê daxwaza şandina tankên Leopard ji bo şerê li welat dubare kir.
Wezîrên Parastinê û Karê Derve yên Ukraynayê Oleksîy Reznîkov û Dmytro Kouleba daxuyaniyeke hevpar dan û ev bang kirin.
Em, bang li hemû welatên hevalbend dikin ku alîkariya leşkerî pêşkêş kirine an jî plan dikin ku bikin tevkariya xwe zêde bikin.
