RÛSYA: NABE BI TI BUHANEYÊ BAKUR Û ROJHILATÊ SÛRÎ JI SÛRIYÊ BÊ VEQETANDIN

by ehmad aseed
197 views
Wezareta Derve ya Rûsyayê ragihand ku bi ti buhaneyî nabe ku herêma Bakur û Rojhilatê Sûrî ji Sûriyê were veqetandin û careke din li ser diyaloga navbera Şam û Kurdan de tekez kir.

 

Berdevka Wezareta Derve ya Rûsyayê Mariya Zaxarova îro di kongreyeke çapemeniyê de axivî .

Zaxarova diyar kir ku pirsgirêkên Bakur û Rojhilat Sûrî divê li ser asasê yekparçebûna xaka Sûrî û bi rêya diyaloga navbera Şam û Kurdan de werin çareserkirin.

Zaxarov destnîşan kir ku nabe bi ti buhaneyê bakur û rojhilatê Sûrî ji xaka Sûrî were qutkirin.

Zaxarov li ser diyaloga navbera Kurd û Şamê de tekez kir û da xuya kirin ku gelê Kurd parçeyek ji Gelên li Sûriyê ne û nabe were veqetandin.