Li gel topbaranê, Artêşa Tirk a dagirker û çeteyên wê, bi dehan darên zeytûnê li navçeyên Efrînê qut kirin.
Di heman demê de, sivîl jî ji navçeya Şera revandin.
Çavkaniyên ji navenda bajarê Efrînê ragihandin ku artêşa Tirk a dagirker û çeteyên wê bi dehan darên zeytûnê li navçeyên Raco, Cindirêsê û Mabata qut kirin.
Heman çavkaniyan got darên ku hatine qutkirin, temenê wan vedigere zêdetirî 70 salan.
Kesên ku darên wan hatine qutkirin, ev in:
Cefer Mustefa, Fethî Cûdî Elî û Ismet Cefer.
Ji aliyekî din ve jî, çeteyên artêşa Tirk a dagirker 2 sivîl ji gundê Naza yê navçeya Şera revandin û birin cihekî nediyar û heta niha çarenûsa wan ne diyar e.
Sivîlên ku hatine revandin ev in:
Mihemed Ebdo Elo 50 salî.
Mihemed Zekeriya 47 salî.
Duh êvarî jî Artêşa Tirk a dagirker û çeteyên wê gundê Bênê yê navçeya Şêrawa ya Efrînê topbaran kir.
Nûçegihanê me da zanîn ku bi dehên topan li gund ketine.
Di encama topbaranê de ziyan tenê madî bûn.