Çalakvan û xizmên kesên li herêmên di bin serweriya PDK’ê de hatine binçavkirin serdana Ofîsa Parlamentoya Herêma Başûrê Kurdistanê ya Silêmaniyê kirin. Di serdanê de ji ber girtin û binçavkirinên ji aliyê PDK’ê ve daxwaznameyek hat pêşkêşkirin.
Çalakvan û xizmên kesên ku li Dihok û Hewlerê hatine binçavkirin serdana Ofîsa Parlamentoya Herêma Başûrê Kurdistanê ya Silêmaniyê kirin.
Di serdanê de ji ber girtin û binçavkirinên ji aliyê PDK’ê ve daxwaznameyek pêşkêş kirin.
Piştî hevdîtinê li ser navê çalakvan û xizmên kesên hatine binçavkirin Nizar Mihemed daxuyanî da.
Di daxuyaniyê de wiha hat gotin;
Her roj bi hincetên vala rê li pêşiya ciwanên me tê girtin û tên cezakirin.
Ev yek jî dide xuyakirin ku hin alî hene dixwazin şerê navxweyî carek din li herêmên me dubare bibe.
Li Hewlêrê Rahîn Yasîn, Birhan Hesen û Dilşad Cebarî hatin binçavkirin.
Rahîn Yasîn rastî êşkenceyê hat, Ji 26’ê Tîrmehê ve jî çarenûsa Burhan û Dilşad nediyare.
Di berdewamiya daxuyaniyê de ev xal hatin rêzkirin:
Şêniyên herêma Başûrê Kurdistanê rê nadin ku cudahî bikeve navbera bajar û navçeyan de.
Çarenûsa kesên hatine revandin demildest eşkere bibe û werin berdan.
Nabe bi hincetên cezakirinên siyasî rê li pêşiya hatinûçûna di navbera bajarên Kurdistanê de were girtin.
Piştre Parlamenterê Tevgera Nifşê Nû yê Herêma Başûrê Kurdistanê Mam Burhan axivî û got;
Di van demên dawî de binçavkirina ciwanan zêde bûye.
Lewma erka me ye bi rêya komîteya mafê mirovan û komîteyên din em vê mijarê bişopînin û çarenûsa wan diyar bikin.
Ji 21’ê Tîrmehê ve nûçegihanê Rojnewsê Zuber Biradostî jî ji aliyêPDK’ê ve hatiye binçavkirin.