Balafirên şer ên Îsraîlê nuqteyên komên Filîstînê li Xeza û Libnanê kirin armanc.
Artêşa Îsraîlê duh di derengiya şevê de bakur, başûr û li navenda Xezayê, nuqteyên komên Filistînê kirin armanc û ziyanên madî çêbûn.
Artêşa Îsraîlê got wan bersiva moşekên ku bajarokê Sidêrût ê Îsraîlê kiribûn armanc, da.
Her wiha artêşa Îsraîlê diyar kir ku wê, tevgerên Hemas û Cîhad a Îslamî jî kirin armanc.
Vê sibehê serokwezîrê Îsraîlê Benjamin Netanyahu ragihand ew ê qaseya sotemeniyan a derbasî Xezayê dibin bikin nîvqase, ku sotemeniyên kehrebê jî di nav de ye.
Ev biryar wê bandora xwe li kehreba Xezayê jî bike û bihêle saetên qutbûna kehrebê kêm bibin.
Her wiha îro di berbanga sibehê de, Îsraîlê 3 êrîşên ezmanî li ser devera Qosaya li herêma Biqa’ a Libnanî jî pêk anîn.
Li gorî çavkaniyeke ewlehî ya Libnanî, ev êrîş li dijî nuqteyke leşkerî ya girêdayî Filistînê bû.
Duh jî, Îsraîlê bi 2 dronan deverine li jêr kontrola Hizbellaha Libnanî kirin armanc.
Rêberê Hizbellahê Hesen Nesrellah jî gefa bersivê da.