ÇETEYÊN DAIŞ’Ê LI GULALEYÊ 2 ÇÊLEKÊN BOMBEKIRÎ TEQANDIN

Li Xaneqînê çeteyên DAIŞ’ê bombe li 2 çêlakan bar kirin û şandin nava gund. Piştre jî ew herdu çêlek teqandin. Di encama teqînê de jî sivîlek birîndar bû. 

 

Li gundê Îslah ê bajarokê Gulale yê Xaneqînê ya ser bi Diyala ve, şeva din seet di 10’an, 2 çêlekên bombebarkirî ji aliyê DAIŞ’ê ve hatin teqandin.

Keyayê gundê Îslah Seîf Star li ser bûyerê ev agahî dan ajansa Rojnews’ê:

“Her roj xwediyê lawiran, lawirên xwe dibin ser rûbarê Sîrwan û bi şev jî lawir bi xwe vedigerin nava gund.

Çeteyên DAIŞ’ê jî bombe li 2 çêlekan bar kirin. Dema ku çêlek derbasî nava gund bûn, hatin teqandin.”

Ji ber teqînê, welatiyek bi sivikî birîndar bû.

Herwiha çêlek jî telef bûn û paceyên malên gund hatin şkandin.

Leave a Reply

Back to top button
Close
Close