KCÊ-E: Ji êrîşên li ser Şengal û Mexmûrê NY berpirsyar e

Koordînasyona Civaka Êzidî ya li Ewropayê daxuyaniyek da.
bal kişand ser bêdengiya Neteweyên Yekbûyî ya li ser êrîşên li dijî Mexmûr û Şengalê û got:
“Heger bêdengî dewam bike, ji encamên rû bide wê Neteweyên Yekbûyî berpirsyar be.”

Koordînasyona Civaka Êzidî ya li Ewropayê (KCÊ-E) têkildarî êrîşên li ser Şengalê û Mexmûrê daxuyaniyek da.

KCÊ-E balkişand li ser bêdengiya NY, diyar kir ku li pişt vê zextê Erdogan û hevkarên wî yên herêmî hene û got:

“Hewl tê dayin ku kampa Mexmûrê bikin mîna girtîgeheke servekirî.

Ev yek jî nîşan dide ku Neteweyên Yekbûyî di asta herêmî de ketiye bin bandora hêzên talanker û êrîşkar.”

Koordînasyonê diyar kir ku Erdogan û derdora wî nikare xwe li xweserî û xweparastina Êzidiyan a li Şengalê rabigire û got:

“Neteweyên Yekbûyî ku qirkirina Êzidiyan nas kiriye, di vê mijarê de bêdeng in.

Ev bêdengî qet nayê qebûlkirin. Divê dawî li vê bêdengî û durûtiyê bê anîn.

Naxwe ji encamên êrîşan wê bi xwe berpirsyar bin.”

Back to top button