Xebatên Komxebata Diyalogan a Meclisa Sûriya Demokratîk MSD’ê li Almaniyayê îro bi tevlîbûna aliyên Opozisyona Sûrî û hejmarek çalakvan û rojnamevanan dest pê kirin.
Komxebata Diyalogan li bajarê Boxûm yê Almaniya dest pê kir.
Di komxebatê de hevserokê MSD’ê Riyad Derar axivî û diyalog bi erênî nirxandin.
Derar got:
Bi van diyalogên avaker çareseriya aloziya Sûrî pêkan e.
Di komxebatê de Hevserokê Buroya Têkiliyan ê MSD’ê Cîhad Omer jî axivî.
Omer behsa tecrûbeya Rêveberiya Xweser li Bakur û Rojhilatê Sûrî kir.
Tê payin ku Komxebat du rojan berdewam bike.
Armanca wê jî rêvekirina li ber çareseriyeke siyasî ji bo aloziya Sûrî û lidarxistina Kongreyeke Giştî yê Opzisyona Niştîman a Sûrî.
7’ê vê mehê jî MSD’ê Komxebata Yekemîn a diyalogan li paytexta Almaniyayê Berlînê li dar xist.
Beriya wê jî Tîrmeha borî li paytexta Fransayê Parîsê komxebatek li dar xistibû.