Xwepêşandanên li Îraqê roj bi roj şaxên wan firehtir dibin û êdî dûmana reş bi ser Bexdayê dikeve. Piştî xwepêşandanên duh ên bixwîn, îro dîsan gel daketin qadan û bertek li dijî hikumetê nîşan dan. NY ji aliyê xwe ve ev xwepêşandan bi mafê rewa yê gelê Îraqê pênase kir.
Duh li dijî hikumeta Îraqê li Bexdayê û çend bajarên din gelê Îraqê dakete qadan.
Di xwepêşandanên duh de 3 kes hatin kuştin û bêhtirî 250 kesî birîndar bûn.
Li ser vê jî, îro serokwezîrê Îraqî Adil Ebdulmihdî ragihand ew ê dest bi lêpirsîneke lezgîn bikin da sedema vê yekê were naskirin.
EBDULMIHDÎ Û PARLAMANA ÎRAQÎ LÊPIRSÎNEKE LEZGÎN DIDIN DESTPÊKIRIN
Her wiha, serokatiya parlamanê, komîteya ewlehî û parastina mafên mirovan ên parlamanî jî daxwaza lêpirsînê kir.
Lê xwepêşandêran li hêviya lêpirsînê neman û îro dîsan daketin qadan.
Vê sibehê xwepêşandan li qada Tehrîr û Bexdayê dest pê kir.
Li gorî agahiyan, polîsê gule berdan û rêya navbera Bexda û parêzgeha Diyalayê de girt.
Xwepêşandêran dixwestrin xwe bigihînin qada Teyeranê, lê polîsan rê girtin û rûbirûbûn navbera polîs û xwepêşandêran de rû da.
NY: TUNDÎ DI XWEPÊŞANDANAN DE HATIYE BIKARANÎN.. BILA DESTHILAT HAYDAR BIN
Têkildarî van xwepêşandanan NY diyar kir ku tundî li ser xwepêşandanan hatiye bikaranîn û got:
Bila desthilat haydar bin.. ev xwepêşandan mafekî gel ê rewa ye.
