Xerîb Hiso: Erdogan biryara komkujiyê wergirtiye

by ehmad aseed
74 views
Hevserokê TEV-DEM’ê Xerîb Hiso diyarkir ku eşkere ye ku Erdogan biryara şer girtiye.

Bila her kes bizanibe biryara şer biryara hevpar a Tirkiye, Sûriye, Rûsya û Îranê ye.

Emê li dijî êrîşan gelên xwe biparêzin.

 

Hevserokê TEV-DEM’ê Xerîb Hiso diyar kir ku bi kûrbûna kirîza hundirîn a Tirkyiê re, gefên Erdogan li djî herêmên Bakur û Rojhilatê Sûrî zêdetir dibin.

Xerîb Hiso têkildarî gefên Erdogan ji ajansa ANF’ê re axivî.

Hiso tekez kir ku Eşkere ye Erdogan li dijî gelê Kurd û gelên Bakur û Rojhilatê Sûrî biryara şer biryara komkujiyê girtiye.

Erdogan ji bo krîza li welatê xwe ji holê rake hewl dide şer bide destpêkirin.

XERÎB HISO: GELÊN HERÊMÊ WÊ XWE BIPARÊZIN

Hiso destnîşan kir ku gelên heremê li dijî dagirkerî û gefên dewleta Tirk bi her awayî li ser piyan e, lê cîhan û civaka navdewletî di bêdengiyê de maye.

XERÎB HISO: JI BO ÊRÎŞAN RÛSYA, ÎRAN, REJÎM Û DEWLETA TIRK LI HEV KIRINE

Xerîb Hiso da xuyakirin ku Erdogan bi piştgiriya Rûsya û Îranê gefan dixwe û Rejîma Sûrî jî hevparê van gef û êrîşên dagirkeriyê ye.

Di demekê de ku Erdogan gefan dixwe, rejîma Sûrî jî QSD’ê dike hedef ku ev yek jî nîşan dide, plan planeke hevpar e.

XERÎB HISO: DIVÊ KURD HEMÛ LI DIJÎ ÊRÎŞÊN DEWLETA TIRK HELWESTA XWE NÎŞAN BIKIN

Hevserokê TEV-DEM’ê Xerîb Hiso di dawîya axaftina xwe tekez kir ku yekîtîya gelên herêmê li dijî gefan çareserî ye û ev bang kir:

Eger em nebin yek, eger em xwedî li hev dernekevin wê dor were herkesî.

Banga me li hemû partiyên Kurdistanî ew e ku bêdeng nemînin û dengê xwe bilind bikin.