Hêzên Leşkerî yên Suryanî: Jiyana Asûrî û Suryaniyan di metirsiyê de ye

Hêzên Sûriya Deqmoratîk-QSD, Meclisa Leşkerî a Suryanî û Hêzên Parastina Jinên Bêt Nehrên Suryaniyan li ser êrîşên dewleta Tirk dagirker û çeteyên wê civîneke çapemeniyê ya hevbeş lidar xistin.
Hêzên Leşkerî yên Sûryanî hişyarî dan ku Sûryanî û Asûriyên li Til Temirê bi qirkirinê re rû bi rû ne.
Hêzên Sûryanî soza parastina herêmê dan û teqez kirin ku heta ku êrîşên dewleta Tirk bişkînin û xeteriya li ser gelê xwe rakin ew ê di çeperên pêş de bin.

Hêzên Sûriya Deqmoratîk-QSD, Meclisa Leşkerî a Suryanî û Hêzên Parastina Jinên Bêt Nehrên a Suryaniyan li navçeya Til Temir ku di bin xetereya dagirkeriya dewleta Tirk de civîneke çapameniyê lidarxistin.

Berdevkê QSD’ê Kîno Gibrîel êrîşên dewleta Tirk a dagirker û çeteyên wê yên li dijî herêmê şermezar kir û destnîşan kir ku di van êrîşan de sivîl û binesaziya bajaran hedef hatine girtin û dixwazin xelkê herêmê koçber bikin.

Berdevkê QSD destnîşankirin ku tevî hevpeymanên di navbera Tirkiye, Emerîka, Rusya de, dewleta Tirk êrîşên xwe bê navber didomîne û xwest ev êrîş werin sekinandin.

Berdevkê Meclisa Leşkerî a Suryanî Ebjer Yaqûb jî bi zimanê Erebî axivî û diyarkir ku dewleta Tirk a dagirker heta niha agirbestê bin pê dike û ji ber êrîşan li herêmê karesatên mezin rû dan.

Ebjer Yaqûb destnîşankir ku ji ber êrîşên dewleta Tirk û çeteyên girêdayî wê jiyana pêkhateyên Asûrî û Sûriyanî yên li gundên Xabûr ango Til Temirê dijîn di xeteriyê de ye.

Ebjer Yaqûb, komkujiyên çeteyên DAIŞ’ê yên di 2015’an de li dijî Suryanî û aşûriyan bibîrxist û wiha anî ziman:

Êrîşa dewleta Tirk niha jî qirkirina gelê Asûrî û Suryanî hedef digre.

Em ji civaka navdewletî, Rûsya û Emerîka dixwazin ku berpirsyartiyên xwe bi cîh bînin û vê êrîşê bidin sekinandin.

Berdevka Hêzên Parastina Jinên Bêt Nehrên a Suryaniyan Nîşa Gewriyê jî destnîşan kir ku dewleta Tirk li hemberî gel û jinên Suryanî û Asûrî polîtîkayên qirkirinê dimeşîne û wiha bidawî kir:

Weke Hêzên Parastina Jinên Bêt Nehrên a Suryanî heta ku êrîşên dewleta Tirk bişkînin û xeteriya li ser gelê xwe rakin em ê di çeperên pêş de bin.

Civîna çapemeniyê bi pirsên rojnemevanan bi dawî bû.

Leave a Reply

Back to top button