Mike Pompeo: Piştevaniya me ji bo hêzên QSD’ê wê dewam be

by ehmad aseed
124 views
Wezîrê Karê Derve yê Emerîka Mike Pompeo got, îdîa kir ku ew ê piştevaniya hêzên QSD’ê bikin û bang li welatên Ewrupayê jî kir ku piştevaniya gelê kurd bikin.

Mike Pompeo li paytexta Almanya Berlînê di Wexfa Korber de axivî.

Pompeo diyar kir ku piştevaniya wan a li bakurê sûrî ji bo hêzên QSD’ê dewame û got:

Emerîka ji bo QSD’ê alîkariyek mezin da.

Fransa û Ingiltere jî piştevanî kir û bi vî awayî derbek mezin li çeteyên DAIŞ’ê hat xistin.

Em bi van şanazin.

Wezîrê Karê Derve yê Emerîka Mike Pompeo metirsiya çeteyên DAIŞ’ê ya ji bo Ewropa bibîrxist û banga têkoşîneke hevpar a li dijî çeteyên DAIŞ’ê kir.

SEROKA DESTEYA RÊVEBER A MSD’Ê ILHAM EHMED:
DIVÊ YE LI DIJÎ DEWLETA TIRK HELWESTÊ NÎŞAN BIDE

Her wiha Seroka Desteya Rêveber a Meclisa Sûriya Demokratîk MSD’ê Ilham Ehmed jî ji ajansa Reuters ê re axivî û got:

Divê YE li dijî dewleta Tirk xwedî helwesteke cidî û bihêz be da ku rastî pêleke ji çeteyên DAIŞ’ê neye.

Ilham Ehmed tekez kir ku di êrîşên dewleta Tirk a dagirker de gelên herêmê bi çekên Ewropî tên kuştin û banga qedexkirina firotina çekan ji bo dewleta Tirk kir.

Ilham Ehemd bang li Ewropayê kir ku ji bo rê li ber revîna çeteyên DAIŞ’ê bê girtin, 2 hezar leşkerî bişîne Sûriyê da ku sînorê bi Tirkiyê re bê parastin.