Rûsya: Çeteyên li Idlibê amadekariyên şanoya êrîşeke kîmawî dikin

Rûsya ragihand ku çeteyên dewleta Tirk bi hevkariya rêxistina bi navê ”Kumên Spî” amadekariyên pêkanîna êrîşên kîwawî li Idlibê dikin.. da ku rejîma Sûrî û Rûsyayê pê tuhmetbar bikin.

Wezareta Parastinê ya Rûsyayê der barê mijarê de daxuyaniyek da û tê de tekez kir ku çeteyên dewleta Tirk a dagirker ji ”Heyet Tehrîr Şam” û rêxistina bi navê ”Kumên Spî” xwe amade dikin ku êrîşên kîmawî li Idlibê pê bînin.

Wezaretê got:

Çavkaniyên ji bajarokê Sermede ku 30 KM li Bakur-Rojhilatê Idlibê ye tekez kirine ku kesin nenas û karwaneke ji barhilgirên madeyên kîmawî di destpêka vê Mijdarê de gihaştin Idlibê.

Di daxuyaniyê de hate destnîşankirin ku di nava kesên amadekarên vê êrîşê de çeteyên Ebû Malik ê di bin sîwana çeteyên ”Tehrîr Şam” û hin karmendên rêxistina bi navê ”Kumên Spî” hene.

Rûsya di daxuyaniya xwe diyar kir ku çete di êrîşa xwe de sivîlan weke qurban hedef digirin û dîmenan dikişînin da li ser malperên civakî belav bikin.

Armanca van dîmenan jî, li gorî Rûsyayê…qezençkirina hevxemiya raya giştî û tuhmetbarkirina Rûsya û rejîmê bi êrîşên kîmawî.

Mijarên Girêdayi

Leave a Reply

Back to top button
Close
Close