Hikûmeta faşîst a AKP’ê tevî siyasetmedar û rêveberên Kurd rojnamevanên Kurd jî dike hedef.
2 rojnamevanên Kurd yên nûçegihanê Ajansa Mezopotamyayê hatin binçavkirin.
Ji aliyê din ve bi îdîaya ku têkîliyên wan bi rêxistinên dijberî dewletê heye, di nav 3 salan de nasnameyên çapameniyê yê 685 rojnamevanan hatin betalkirin.
Nûçegihanê Ajansa Mezopotamyayê Sadiye Eser û Sadik Topaloglu doh li Stenbolê di serdegirtina malan de hatin binçavkirin.
Ji bo her du nûçegihanên binçavkirî 24 seat qedexeye hevdîtinê danîn, derheqê lêpirsînê de wan de biryara “veşartinê” dan û nehiştin ku parêzerên xwe bibînin.
Ji aliyê din ve derket holê ku di nav 3 salan de nasnameya çapameniyê ya 685 rojnamevanan bi îdîaya ku “têkîliya wan bi rêxistinên ku xetereyê ji ewlehiya welet re çêdikin, heye” hate betalkirin.
Alîkarê Serokkomar Fûat Oktay, bersîv da pirsên rojnamevanan yên der barê mijarê de û da zanîn ku di sala 2019’an de 343 nasnameyên çapemeniyê yên nû hatine dayîn û ji 15 Tîrmeha 2016’an ve 685 nasnameyên rojnamegeriyê jî hatine betalkirin.
Zextên AKP’ê yê li ser rojnamevanan Di 3 salan de 685 nasnameyên rojnamegeriyê hatin betalkirin
