Bi sedan şêniyên Qamişlo endamên hêzên ewlekariya hundrinî Namis Selman El-Nehîr bi merasîmekê bi heybet oxir kirin.
Endamê hêzên ewlekariya hindirîn Namis El-Nehîr 4’ê Kamûnê di encama qezayeke tirafîkê ya li ser rêya Til Temir-Hesekê de şehîd bû.
Ji bo oxirkirina şehîd bi sedan şêniyên Qamişlo cenazeyê şehîd ji taxa Enteriyê wergirtin û ber bi goristana şehîd Delîl Saroxan ketin rê.
Li goristanê piştî deqeyeke rêzgirtinê Hevserokê desteya hundirîn li herêma Cezîrê Kenan Berkat sersaxî ji malbata şehîd re xwest û got:
Em di pêvajoyeke dîrokî û çarenûsî re dervas dibin, me berê soza parstina destekeftiyan yê ku bi saya hevgirtina pêkhateyên herêmê hatiye bidestxistin daye..
Berekat êrîşên dagirkeriya dewleta Tirk û çeteyên wê li herêmê bibîrxist û diyar kir ku ew sûcên şer pêk tînin û civaka navdewletî bi bêdengiya xwe hevkarê sûc e.
Paşê nasnameya şehîd hate xwndina û radestî malbata wî hate kirin.
Di dawiya merasîmê de girseya gel cenazeyê şehîd namis bi siloganên dilsoziya bi şehîdan re spartin axê.