Rûsiya li dijî bendera Odessa êrîşek pêk anî.
Serokê Îdareya Leşkerî ya Herêma Odessa ya Ukraynayê Oleg Kiper nivîsek li ser hesabê xwe yê Telegramê de
belav kir.
Oleg Kiper di nivîsa xwe de nragihand ku moşek li keştiya bi ala Palau ya li bendere ket.
Welatiyekî Ukraynayê ku xebatkarê benderê ye hate kuştin û 5 xebatkarên biyanî jî birîndar bûn.
Artêşa Rûsyayê li Odessa ya Ukraynayê bi moşekan êrîşî benderekî kir.
Serokê Îdareya Leşkerî ya Herêma Odessa ya Ukraynayê Oleg Kiper di nivîsa xwe ya li ser hesabê xwe yê Telegramê de ragihand ku artêşa Rûsyayê bi şev li bendereke Oddesayê êrîşeke mûşekî pêk aniye.
Oleg Kiper diyar kir ku ji ber moşek li keştiya bi ala Palau ya li bendere ket.
Welatiyekî Ukraynayê ku xebatkarê benderê ye mir û 5 xebatkarên biyanî jî birîndar bûn.
Li bajarên Zaporijya û Xarkiv ên Ukraynayê êrîş hatin kirin
Her wiha şaredarê Xarkîvê Îgor Terekhov di nivîsa xwe ya li ser hesabê xwe yê Telegramê de ragihand, îro serê sibê artêşa Rûsyayê bi mûşekan êrişî bajarê Xarkîvê kiriye.
Îgor Terekhov diyar kir ku li gorî agahiyên bi dest ketine di encama êrîşê de zarokek 16 salî jî di nav de 16 kes birîndar bûne.
Serokê Rêveberiya Leşkerî ya Herêma Zaporijyayê Îvan Fedorov di daxuyaniya xwe ya li ser kanala Telegramê de diyar kir ku di êrîşa hewayî ya artêşa Rûsyayê ya li Zaporijyayê de 6 kes birîndar bûne.
Di êrîşa li herêma Sûmiyê de 2 kes mirin
Ji aliyê din ve di daxuyaniya Serdozgeriya Komarê ya Sumy ya Ukraynayê de hat diyarkirin ku di êrîşa ku ji aliyê artêşa Rûsyayê ve li herêmê hat kirin de zilamekî 38 salî û jineke 35 mirine.
Hêzên Esmanî yên Ukraynayê jî ragihand ku artêşa Rûsyayê doh bi şev bi 2 moşekên balîstîk ên cureya “Iskander-M” êrîşî Odessa kiriye.
Di daxuyaniyê da hat destnîşankirin ku Rûsyayê bi tevahî 19 balefirên bêmirov ên cureya “Şahed” ber bi herêmên cuda yên Ukraynayê ve avêtin.
18 ji wan ji aliyê hêzên parastina hewayî ya Ukraynayê ve hatin îmhakirin û yek jî vegeriya Rûsyayê.
Zelenskiy banga xurtkirina parastina hewayî ya Ukraynayê kir
Her wiha serokomarê Ukraynayê Volodymyr Zelenskiy di daxuyaniya xwe ya nivîskî ya li ser hesabê xwe yê X’ê de ji bo xurtkirina parastina hewayî ya Ukraynayê ji hevkaran piştgirî xwest.
Zelenskiy bal kişand li ser pêwîstiya bihêzkirina pergala parastina esmanî yên welatê xwe ji bo rêgirtina li êrişên Rûsyayê û got:
“Girîng e ku welatên mezin ên ku xwedî çekên pêwîst in di warê parastina jiyanê de bi rastî mezin bin.”
