Bi munasebeta 4. salvegera damezrandina Meclisa Sûriye ya Demokratîk (MSD), li bajarê Hesekê forumek hat lidar xist.
Rayedarên MSD’ê di forumê de diyar kirin ku armanca Rêveberiya Xweser parastina gel e û herêmê ye.
Bi munasebeta 4. salvegera damezrandina Meclisa Sûriye ya Demokratîk-MSD, li bajarê Hesekê forumek hate lidarxistin.
Di forumê de, tevî hevserokên MSD’ê, Meclisa Giştî ya Rêveberiya Xweser û Partiya Yekitiya Suryan û rêveberên Meclisa Jinan a Sûriyê, bi dehan endamên MSD’ê amade bûn.
HEVSEROKA MSD’Ê EMÎNA UMER:
MSD’Ê BÛ SÎWAN GELEK HÊZ Û KESAYETÊN NIŞTIMANÎ YÊN SÛRÎ
Hevseroka MSD’ê Emîne Umer destpêkê axivî û bal kişand ser pêvajoyên damezrandina MSD’ê û astengiyên ku pê re rû bi rû mane.
Umer got, “MSD’ê ji gelek hêz û kesayetên welatparêz yên Sûrî ku baweriya wan bi projeya demokratîk û çareseriyê hebû, bû sîwan. ”
SÎHAM QERYO:
MSD’Ê TEVÎ HEMÛ ALOZIYAN WÊ XEBATA XWE BIDOMÎN E
Piştre Hevseroka Meclisa Giştî ya Rêveberiya Xweser Sîham Qeryo axivî û destnîşan kir ku tevî astengî û aloziyên li herêmê rû dane, MSD’ê bê navber xebatên xwe berdewam dike.
Sîham da xuyakirina ku ji ber tevahî pêkhate û hêzên siyasî projeya demokratîk a Rêveberiya Xweser erê kiribûn, gel ji terorê parastine wiha axivî:
Em bi tevahî dixwazin ji cîhanê re nîşan bidin ku me herêm ji terorê rizgar kir û pêngava siyasî derbas kir. Armanca me ew e ku em gel û herêmê ji terorê biparêzin.
SÎHAM QERYO:
GELÊ SÛRIYÊ BERDELA NAKOKÎ Û BERJEWENDIYÊN NETEWÎ Û HERÊMÎ DIDE
Sîham îşaret bi destwerdana hêzên derve ji aloziya sûriyê û planên wan kir û diyar kir ku gelê Sûriyê berdela nakokiyên navneteweyî û şerê berjewendiyê yên hêzên li hundirê Sûriyê dide.
Forûm bi sînevîzyoneke der barê xebatên MSD’ê de bi dawî bû.