Li Dêrikê merasîma 4 şehîdan hat lidarxistin

Bi sedan şêniyên herêma Dêrikê cenazeyên 4 şehîdên Berxwedana Rûmetê li Goristana Şehîd Xebat oxir kirin.

Şervanê QSD’ê Mihemed Mihemed binasnav Navdar Kerkûk,

Mihemed Ferosoper binasnav Bakir Terxê,

Bekir Îbrahîm Ezîz binasnav Zerdeşt Germiyan

Û Avaşîn Ezîz binasnav Rêber Bokan di berxwedana rûmetê ya li dijî dagirkeriya dewleta tirk de şehîd bûn.

Ji bo oxirkirina cangoriyên xwe bi sedan şêniyên Dêrik û navçeyên wê li goristana Şehîd Xebat Dêrik kom bûn.

Li goristanê piştî merasîma leşkerî, endamê Meclisa PYD’ê Abdulkerîm Sarûxan axivî û bal kişand ser pêwîstiya parastina destkeftiyên ku bi saya xwîna şehîdan hatine bidestxistin.

Piştre wesîqeyên şehîdan hatin xwendin û radestî malbatên wan hatin kirin.

Paşê cenazeyên Avaşîn Ezîz û Mihemed Ferosoper li Goristana Şehîd Xebat spartin axê.

Her wiha sibe jî cenazeyên şehîd Zerdeşt Germiyan û Navdar Kerkûk wê di deriyê Sêmalka re rê bikin başûrê Kurdistanê.

Mijarên Girêdayi

Leave a Reply

Back to top button
Close
Close