Serokkomarê dewleta Tirk ji nişka ve çû serdana Tunusê

by ehmad aseed
171 views
Serokkomarê dewleta tirk a dagirker îro ji nişka ve serdana Tunusê kir.
Erdogan li Tunusê careke din ragihand ku ew ji peymana xwe ya bi hikumeta Serac re venegerin û got:
Heta dawî bi hemû hêza xwe em ê piştevaniya Serac bikin û li ser daxwazeke şandina leşkeran ya ji bo wî welatî jî em amade ne.

Serokkomarê Tunusê jî ragihand ku ev peyman wan eleqeder nake û ev nakokiyeyeke di navbera sînorê herdu welatan de ye.

Şandeya dewleta tirk ji Wezîrê Derve Mevlut Çavuşoğlu, Wezîrê Parastinê Hulusi Akar, Serokê MÎT’ê Hakan Fidan, pêk dihat.

Piştî hevdîtinan Erdogan û Sayîd civîneke çapemeniyê lidar xistin.

Erdogan despêkê axivî û got:

Aloziya li Lîbiyayê tenê bî sînorên wî welatî re sînor namîne û derbasî welatên cîran û bi taybet jî Tunusê dibe.

Erdogan careke din dubare kir ku ger daxwazek şandina leşkeran ji Lîbyayê were ew ê leşkeran bişînin wî welatî.

Serokomarê dewleta tirk a dagirker careke din îşaret bi Yunanîstanê kir û anî ziman ku li herêma mijara gotinê ti gotineke vî welatî ne derbasdare.

ERDOGAN GEFA ŞANDINA LEŞKERAN DUBARE KIR

Erdogan careke din piştevaniya xwe ya ji bo Serac anî ziman û wiha domand:

Em bi Serac yê ku di qada naventewî de tê naskirin re tevdigerin.

Ti naskirinek fermî ya Hefter ji aliyê civaka navnetewî ve nîne.

SEÎD: PEYMANA LÎBYA ME ELEQEDER NAKE

Serokomarê Tunusê Kays Seîd diyar kir ku bi Erdogan re bi awayekî berfireh li ser mijara Lîbyayê axivîn e.

Seîd got:

Peymana dewleta tirk ya bi Lîbyayê re di nava sînorê herdû welatan de ye.

Ev mijareke girêdayî herdû welata ne, ango me eleqeder nake.