Bêrîvan Hesen: Divê pêşî li planên guhetina demografiyê were girtin

Endama Meclisa Giştî ya PYD’ê Bêrîvan Hesen diyar kir ku dewleta Tirk li pêş çavên cîhanê demografiya herêmê diguherîne.

Endama Meclisa Giştî ya PYD’ê Bêrîvan Hesen bal kişand ser êrîş û planên dewleta Tirk yên dagirkeriyê û destnîşan kir ku Tirkiye “Artêşa Wetenî ya Sûrî” ku ji çeteyên xwe ava kiriye, ji bo şerekî navxweyî yê li Sûriyê bikar bîne.

Bêrîvan Hesen da xuyakrin ku dewleta Tirk a dagirker bi rêya çeteyên xwe dixwaze ku projeya neteweya demokratîk têk bibe û li herêmê plana guhertina demografîyê pêk bîne.

Endama Meclîsa Giştî ya PYD’ê destnîşan kir ku Rusya û Koalîsyona Navnetewî jî ji bo dewleta Tirk van planên xwe bixe meriyetê rol dilîzin .

Bêrîvan Hesen anî ziman ku dewleta Tirk a dagirker bi êrîş û sûcên şer şêniyên herêmê yên resen bi darê zorê koçber dike û li şûna wan malbatên çeteyan bi cih dike.

Endama Meclisa Giştî ya PYD’ê Bêrîvan Hesen diyar kir ku, kiyarên dewleta Tirk a dagirker li dijî qanûnên navdewletî ne û qirkirina etnîkî ye û bang li gelê Sûriyê kir ku ji bo avakirina Sûriyeke demokratîk bixebitin.

Leave a Reply

Back to top button
Close
Close