Hevseroka Şandeya nûnertiya Bakur û Rojhilatê Sûriyê Fewza Yûsif got ku di hevdîtinên bi şandeya Şamê re, gelek mijarên girîng hatine nîqaşkirin.
Bi taybetî jî mijara koçberan.
Wê destnîşan kir ku piştî Cejna Qurbanê dê gavên pratîkî werin avêtin, ku ji herêma Efrîn dest pê dike.
Di nirxandinên xwe yê gel Kenala El-Youm de, Fewza Yûsif piştrast kir ku atmosfer erênî bû û ji aliyê şandeya Şamê ve, vekirîbûneke eşkere hebû.
Wê rexne li destûra demkî kir, çimkî ew ji pirsgirêkên bingehîn derdixe, bi taybetî jî paşxistina mafên komên siyasî û kêmbûna rola partiyên siyasî.
Wê girîngiya çareserkirina van pirsgirêkan di her pêvajoyek siyasî ya berfireh de tekez kir.
Foza Yûsif: Nenavendîbûn ne tenê daxwazeke Kurda ne, lê belê daxwaza Sûriyan bi giştî ye
Fewza Yûsif ne-navendîbûn wekî formulek ji bo yekîtiya dilxwazî ji bo hemî Sûriyan nirxand û got:
Ne mijarek ku tenê bi Kurdan ve girêdayî ye. Wê tekez kir ku qonaxa heyî derfetek dîrokî ye ji bo avakirina Sûriyek nû bi awayê çêtirîn.
Fewza Yûsif banga çalakiyek kolektîf ji bo pêşerojek beşdar û dadperwer ji bo hemî Sûriyan kir.
