Artêşa Îsraîlê duh ragihand ku li Bint Cubeyl a başûrê Lubnanê, endamekî Hizbullahê kuştiye.
Di daxuyaniyekê de ku li ser platforma X’ê hatiye weşandin, artêşê teqez kir ku ew ê ji bo “jiholêrakirina her gefê li ser Îsraîlê” xebata xwe bidomîne.
Berdevkê artêşa Îsraîlê Avichay Adraee diyar kir ku endamê Hizbullahê yê hedefgirtî beşek ji “yekîneya topavêj” ya rêxistinê bû.
Wezareta Tenduristiyê ya Lubnanê duh ragihand ku di êrîşeke bêmirov a Îsraîlê de li ser motorsîkletek li bajarê Bint Cubeyl ê başûr kesek hatiye kuştin.
Ajansa Nûçeyan a Neteweyî ya Lubnanê ragihand ku di bombebaranê de çar kesên din jî birîndar bûne.
Tevî peymana agirbestê ya di navbera her du aliyan de ku di Mijdara borî de hatibû îmzekirin, Îsraîl êrîşên hewayî li ser tiştên ku ew îdia dike ku hedefên Hizbullahê li başûrê Lubnanê ne pêk tîne.
