Dorpêça artêşa Îsraîlê li Xezayê û sînordarkirina alîkariyan karesetekê mirovî çêdike.
Li gor agahiyan careke din sivîlên li benda alîkariyê ne, bûne hedefa artêşa Îsraîlê.
Li gorî çavkaniyên tenduristiyê artêşa Îsraîlê xaniyek li Kampa Penaberan a Şatî li Xezayê hedef girtiye, 3 kes hatine kuştin.
Li taxa Şêx Ridwan li bakirê bajêr jî 3 kess di êrişan de hatine kuştin.
Her wiha li Kampa Penaberan a Nûseyrayê jî di nav de du zarok 4 kes hatine kuştin.
Li Xan Yunisê jî di bombebarana artêşê de 5 kes hatine kuştin.
Droneke artêşê li herêma Mewasî ya Xan Yûnisê konên koçberan hedef girt, dayîkek û kekça wê hatin kuştin.
Li Şerîda Xezzeyê, ku Îsraîlê birçîbûn ferz kir, di 24 saetên dawî de çar kesên din, di nav de zarokek, ji birçîbûnê mirin.
Li Şerîda Xezayê di 24 saetên dawî de 4 kesên din ji birçîbûnê mirin
Li aliyê din ji ber kêm xwarin û negihiştina alîkariyên mirovî hejmara kesên ji birçîbûnê dimirin zêde dibin.
Li gor agahiyan di 24 saetên dawî de 4 kesên din ji birçîbûnê mirin.
Rêveberê Giştî yê Wezareta Tenduristiyê li Xezayê Munîr el-Burş, di peyamekî li ser hesabê xwe yê X de agahî li ser mirinên ji birçîbûnê li Xezayê parve kir.
Munîr el-Burş destnîşan kir ku hejmara miriyên ji ber birçîbûnê li Xezayê gihîştiye 197 kesan, ku 96 ji wan zarok in.
Operasyonên Îsraîlê li Şerîa Rojava berdewam dike
Ji dema ku Îsraîlê di 7ê Cotmeha 2023’yan de êrîşa xwe ya li dijî Şerîaya Xezzeyê da destpêkirin, binçavkirin, serdegirtin û êrîşên li ser Filistîniyan li Şerîaya Rojava û Qudsa Rojhilat zêde bûne.
Li gorî ajansa nûçeyan a fermî ya Filistînê WAFA, artêşa Îsraîlê bi hejmareke mezin ji leşkeran êrîşî bajarê Hebron ê başûrê Şerîaya Rojava kir.
Artêşa Îsraîlê, ku li herêma Wadî el-Bass a taxa Ebû Ketîle ya bajêr bi cih bûye, rê girtine û çûn û hatina xelkê sînordar kiriye.
Artêşa Îsraîlê agir berda mal û wesayîtên Filistîniyan, bombeyên deng û gaza rondikrêj avêtin.
Konseya Li Dijî Wargehên Cihûyan a girêdayî Rêxistina Rizgariya Filistînê daxuyaniyek hat dayîn.
Di daxuyaniyê de hat destnîşankirin ku di meha Tîrmehê de li Şerîaya Rojava û Qudsa Rojhilat li dijî Filistîniyan hezar û 821 êrîş hatine kirin.
Ji êrişan hezar û 355 ji hêla leşkerên Îsraîlê û 466 jî ji hêla Îsraîlên ku erdên Filistînê desteser kirine hatine kirin.
Li Xezayê hejmara miriyan gihişt 61 hezar û 158 kesan
Li Xezayê, ku nifûsa wê nêzîkî 2.3 milyon e, hejmara mirovên ku ji ber êrîşên Îsraîlê û fermanên dersînorkirinê koçber bûne gihîştiye 2 milyonî, û gelek kes bi berdewamî koçber bûne.
Ji 7’ê Cotmeha 2023’yan vir ve di êrîşên Îsraîlê yên li ser Xezayê de herî kêm 61 hezar û 158 kes hatine kuştin û 151 hezar û 442 kes jî birîndar bûne.
