Komîteya Perwerdeyê ya kantona Girê Spî li dijî êrîşên dewleta Tirk a dagirker li ser Bakurê Sûriyê û hedefgirtina zarokan daketin qadan:
Di meşa ku bi sedan kes tevlîbûn de ev peyam hat dayîn.
“Erdogan zarokan dikuje, kanî parêzvanên mafên zarokan.”
Bi sedan xwendekar û mamosteyên Girê Spî ji bo şermezarkirina binpêkirin û êrîşên dagirkeriya Tirk û qetilkirina zaroka bi navê Sara Rifet meşek lidar xist.
Meş ji ber navenda perwerdeyê ya Girê Spî dest pê kir.
Meşê li Çerxerêya Elem a aliyê başûrê bajêr veguherî mîtîngê.
Di mîtîngê de li ser navê Komîteya Perwerdeyê ya Girê Spî û xwendevanan ve axaftin hatin kirin.
Kesên axivîn dagirkeriya Tirkiyê ji axa Bakurê Sûriyê û qetilkirina zarokan şermezarkirin.
Her wiha ji civaka navteweyî û saziyên mafên mirovan hate xwestin ku van kiryaran bidin rawestandin.
Mîtîng bi siloganên “Şehîd namirin” û silavkirina biratiya gelan bi dawî bû.
Artêşa Tirk a dagirker di encama êrîşên xwe yên dagirkeriyê li ser Girê Spî de zaroka 6 salî a binavê Sara Rifet Mistefa di 1`ê Mijdarê de şehîd kiribûn.