Çêkirina bendava Ilisûyê dewam e û her ku diçe Heskîfa xwedî dîroka 12 hezar sal di bin avê de winda dibe.
Li serê bendava Ilisû av zêde bûye û beşek mezin ji geliyê Dîcle û Botanê di bin avê de maye.
Hat ragihandin heta niha nêzî 50 gund û Pira Heskîfê jî nîvê wê di bin avê de maye.
Li ber Heskîfê bi qasî 15 mîtroyan av bilind bûye û çêkirina bendergehan jî didome.
Bilindbûna avê xwezayê jî bi xwe re talan dike.
Hin gund, erd û baxçeyên welatiyan bi temamî di bin avê de man.
Tevî hemû daxuyanî û bangan jî heta niha baroyên herêmê û hin bajarên rojavayê Tirkiyê li dijî hilweşandina Heskîfê tu hewldan nîşannedane .