Endamê Konseya Rêveber a KCK’ê Mûstafa Karasû derbarê geşedanên dawî yên li Sûriyê û Bakur û Rojhilatê Sûriyê de jî nirxandin kir.
Karasû diyar kir ku Êrîşa li ser Bakur û Rojhilatê Sûriyê, êrîşa li ser Rêveberiya Xweser wê Sûriyê ber bi nearamiyê ve bibe.
Karasû got, peymana 10’ê Adarê îmzeya rêveberiya hevpar a Sûriyê ye, Bakur û Rojhilatê Sûriyê û Şam divê li ser bingeha demokratîk li hev bikin.
Endamê Konseya Rêveber a KCK’ê Mûstafa Karasû di dewama axaftian xwe de behsa geşedanên dawî li Sûriyê û Bakur û Rojhilatê Sûriyê jî kir.
Destpêkê Mûstafa Karasû da zanîn ku çapemeniya wan xwedî li Mûsa Anter derdikeve û got:
Ez jî bang li hemû hevalên di çapameniyê de dikim ku li ser şopa Mûsa Anter û Gûrbetellî Ersoz bixebitin, tevkariyê li vê têkoşînê bikin.
Mûstafa Karasû: Bakur û Rojhilatê Sûriyê bingeha aramiya li Sûriyê ye
Karasû diyar kir ku Bakur û Rojhilatê Sûriyê, rêveberiya xweser a li wê derê bingeha aramiya li Sûriyê ye û wiha anî ziman:
Rêveberiya Xweser bi avaniya xwe ya civakî, bi zîhniyeta xwe cihê herî aram e.
Dikare li Sûriyê jî aramiyê pêk bîne. Modeleke bi vî rengî ye. Ereb, Kurd, Suryanî, Ermen, her kes bi feraseteke demokratîk bi hev re dijîn.
Niha hewl tê dayin ku ev yek bê sabotekirin.
Êrîşa li ser Bakur û Rojhilatê Sûriyê, êrîşa li ser Rêveberiya Xweser wê Sûriyê ber bi nearamiyê ve bibe. Hingî wê Sûriye bikeve nava rewşeke xetere.
Rêveberiya li Bakur û Rojhilatê Sûriyeyê derdora 20 hezar şehîd daye. Beşeke girîng a van şehîdan Ereb e, ciwanên Ereb e.
Êrîşa li ser cihekî bi vî rengî tê wateya ‘Ez ê Sûriyê nearam bikim, ez ê Sûriyê tevlîhev bikim’.
Mûstafa Karasû: Divê dewleta Tirk ji bo Sûriyê polîtîkayeke rast bimeşîne
Karasû anî ziman ku polîtîkaya dewleta Tirk a li Sûriyê şaş e, polîtîkaya Şamê jî şaş e û got:
Divê dewleta Tirk xwedî li Rêveberiya Xweser a li wê derê derkeve.
Mebest ji lihevkirinê ne ew e ku Bakur û Rojhilatê Sûriyeyê teslîmî Şamê bibe.
Jinên li Bakur û Rojhilatê Sûriyeyê polîtîkaya Şamê ya têkildarî jinan qebûl nakin.
Ji ber vê yekê divê dewleta Tirk polîtîkayeke rast bimeşîne.
Bakur û Rojhilatê Sûriyê û Şam divê li ser bingeha demokratîk li hev bikin.
Divê Şam jî qanûnên entegrasyona demokratîk derxîne û bi Bakur û Rojhilatê Sûriyê û tevahiya Sûriyeyê re li ser bingeha demokratîk bibe yek.
Mûstafa Karasû: Peymana 10’ê Adarê îmzeya rêveberiya hevpar a Sûriyê ye
Mûstafa Karasû bal kişand li ser peymana 10’ê Adarê û got:
Peymana 10’ê Adarê nayê wê wateyê ku Bakur û Rojhilatê Sûriyê biçe bêşert teslîmî Şamê bibe.
Tirkiye wê peymanê li gorî xwe şîrove dike, Şam jî li gorî xwe şîrove dike.
Bi wî rengî nabe! Ew îmze îmzeya rêveberiya hevpar a Sûriyê ye. Divê bi vî rengî bê fêhmmkirin.
Mûstafa Karasû: NY’yê bûye cihekî welê ku pîvanên xwe nîne lê şov tê kirin
Di dawiyê de Karasû dibêje ku Hevdîtina Erdogan-Trump pêk hat, pesnê hev dan.
Vaye tiştên tîne serê Elewiyan li holê ye, tiştên li Sûriyeyê tîne serê Durziyan li holê ye.
Her roj gefê li Kurdan dixwe. Yekî bi vî rengî çû li Neteweyên Yekbûyî axivî.
Ev yek rewşeke bi pîvan nîne; tiştekî polîtîk e.
Bi vî rengî civîna Neteweyên Yekbûyî veguherî şovekê. Veguherî cihekî welê ku pîvanên xwe nîne, hinek tê li wir şov dike.
Divê Neteweyên Yekbûyî ne bi vî rengî be.
